Connecting Maharashtra - 5

This is the fifth post in Connecting Maharashtra series.

Sakoli - Aurangabad and Aurangabad - Alibag.

Alibag is on the western coast while Sakoli is in Bhandara district, right next to Chhattisgarh border.

The photo of Alibag - Aurangabad bus is thanks to Mr Saqib Sawant.

एसटीचे तिकीट तीन मिनिटांत मोबाइलवर!
एसटी महामंडळाने केवळ तीन मिनिटांत एसटीचे तिकीट मोबाइल फोनवर देण्यास सुरुवात केली आहे. त्यासाठी सध्या प्रवाशांच्या मोबाइलमध्ये जीपीआरएस सिस्टिम व स्वत:च्या ई-मेल आयडीची गरज असली तरी, भविष्यात मोबाइलवर आलेला तिकीटचा पीएनआर क्रमांक दाखवून थेट तिकीट विकत घेण्याची सुविधा उपलब्ध होण्याची शक्यता आहे.
मोबाइलद्वारे तिकीट आरक्षण योजनेचे उद्घाटन परिवहन मंत्री राधाकृष्ण विखे पाटील यांच्या हस्ते मंगळवारी झाले. यावेळी उपाध्यक्ष दीपक कपूर उपस्थित होते. ज्यांच्याकडे जीपीआरएस नाही किंवा ई मेल नाही त्यांनी महामंडळाच्या अधिकृत एजंटकडे जाऊन या योजनेअंतर्गत तिकीट आरक्षण करावे, अशी सूचना विखे-पाटील यांनी केली. या आधी कर्नाटकने ही सुविधा सुरू केली असून त्यानंतर महाराष्ट्राचा नंबर लागतो अशी माहिती महामंडळाचे उपाध्यक्ष दीपक कपूर यांनी दिली.
मुंबईत ९० ते ९५ लाख मोबाइलधारक आहेत. त्यातील अनेकांकडे जीपीआरएस सिस्टिम आहे. साडेतीन मिनिटांत मोबाइलवर तिकीट आरक्षित होईल. मात्र तिकीट आरक्षित करताना स्वत:चा ई मेल आयडी द्यावा लागेल. ई तिकीट मेल केले जाईल. त्याचा प्रिंट आऊट घ्यावा लागेल. प्रवाशांना अडचणी आल्या तर १८००२२१२५० या टोल फ्री क्रमांकावर संपर्क साधण्याचे आवाहन त्यांनी केले.
....... ....... ....... ....... ....... ....... ....... ....... ....... .......
असे करा आरक्षण...
* atom अशी अक्षरे टाइपकरून 54959 या क्रमांकावर एसएमएस करा. * त्यानंतर www.atomtech.in/download.aspx या साइटवर जाऊन तिकीट आरक्षणाची प्रक्रिया सुरू होईल. स्वत:चा पीन, बसचा मार्ग, तारीख तपशील, ई मेल आयडी व क्रेडीट कार्ड क्रमांक टाईप करून पाठवून द्या. तिकीट मोबाइलच्या स्क्रीनवर येईल. काही काळानंतर तुमच्या मेलवर तिकीट येईल. त्याचा प्रिंटआऊट काढावा लागेल. प्रवासाच्या तीस दिवस अगोदर ते एक तास अशा कालावधीत तिकीट आरक्षित करता येईल.
....... ....... ....... ....... ....... ....... ....... ....... ....... .......
* एसटीची फ्लिट बससेवा
फ्लिट बससेवा सुरू करण्याचा मनोदय परिवहन मंत्री राधाकृष्ण विखे पाटील यांनी जाहीर केला असून खासगी विमान कंपन्यांमध्ये स्पर्धा निर्माण झाली, त्याचप्रमाणे एसटी महामंडळाला स्पधेर्त येण्यासाठी फ्लिट बसेसेवेची योजना असल्याचे त्यांनी सांगितले. ते म्हणाले, आरामदायी प्रवासासाठी जादा पैसे मोजण्याची प्रवाशांची तयारी आहे. त्यामुळे अधिक चांगल्या बसेस आणण्यात येतील. भविष्यात एक हजार बसेस विकत घेण्याची योजना आहे. त्यासाठी ग्लोबल टेंडर मागवण्यात येतील. यापुढे सर्व बसेस एअर सस्पेंन्शनच्या असतील. फ्लिट बस योजनेच्या धोरणाबाबत अधिक तपशील देण्यास त्यांनी नकार दिला.

Parivartan Bus on the Bridge

‘एव्हरग्रीन’ एशियाडचे जांभुळाख्यान!

एसटीच्या गाडय़ांना सर्रासपणे लावण्यात येणाऱ्या ‘लाल डब्बा’ या उपरोधिक बिरुदावलीला छेद देणारी गाडी म्हणजे एशियाड. तब्बल २८ वर्षांपूर्वी एसटीच्या ताफ्यात दाखल झालेल्या पांढऱ्या-हिरव्या रंगातील एशियाडने महाराष्ट्रातील प्रवाशांवर केलेले गारुड आजही कायम आहे. व्होल्वो-मर्सिडिजच्या जमान्यातही लोकप्रियतेच्या बाबतीत तसूभरही मागे नसलेली ‘एव्हरग्रीन’ एशियाड आता जांभळ्या रंगात अवतरणार आहे. पांढरा-हिरवा रंग आणि त्यावर निळी पट्टी.. एशियाडची ही गेल्या २८ वर्षांची रंगसंगती बदलून एसटीने ती पांढरी-जांभळी केली आहे. खिडकीच्या वरील भागात जांभळा तर, खालील भागात पांढरा आणि आणि मागील चाकाच्या वरील बाजूस जांभळा पट्टा अशा नव्या रंगसंगतीतील अनेक एशियाड बसेस आता राज्यातील रस्त्यांवर फिरताना दिसत आहेत. बदलत्या रंगसंगतीतील सुमारे १०० नव्या गाडय़ा रस्त्यांवर आणल्या आहेत, अशी माहिती एसटीतील अधिकृत सूत्रांनी दिली. विशेष म्हणजे एशियाडचा हा नवा रंग काहीसा गडद असला तरी, मुंबईतील नव्या एमयूटीपी लोकलच्या रंगसंगतीशी साधम्र्य सांगणारा आहे. साध्या गाडय़ांपेक्षा आरामदायी आसन व्यवस्था, मजबूत बांधणी, चालकांच्या वेगळ्या केबिनमुळे इंजिनाच्या आवाजापासून प्रवासांची सुटका, आकर्षक अंतर्गत रचना यासारख्या वैशिष्टय़ांमुळे एशियाड बसेस प्रवाशांच्या पसंतीस उतरल्या. बैठक व्यवस्थेखेरीज या बसेसच्या अंतर्बा'ा रचनेत गेल्या २८ वर्षांत फारसा बदल केलेला नाही. आधीपासून ‘थ्री बाय टू’ असलेली एशियाडमधील बैठकव्यवस्था गेल्या काही वर्षांपासून ‘टू बाय टू’ करण्यात आली असून, साध्याऐवजी अधिक आरामदायी आसनेदेखील बसविण्यात आली आहेत. सध्या एसटीच्या ताफ्यात सुमारे ९७० एशियाड बसेस असून जिल्हा व तालुक्याच्या ठिकाणांखेरीज राज्यातील महत्त्वाच्या शहरांदरम्यान या बसेस धावत आहेत. प्रवाशांची वाढती मागणी लक्षात घेऊन एसटीकडून यंदा ५०० अधिक एशियाड बसेस बांधण्यात येत आहेत. गोव्यातील ‘एसीजीएल’ या खासगी कंपनीकडे हे काम सोपविले असून, सदर कंपनीकडून बांधलेल्या सर्व बसेस नव्या रंगसंगतीतील असतील, अशी माहिती एसटीच्या अधिकृत सूत्रांनी दिली. दिल्लीमध्ये १९८२ साली झालेल्या आशियाई खेळांमध्ये सहभागी होणाऱ्या खेळांडूंची ने-आण करण्यासाठी एसटीने २०० बसेस बांधून दिल्या होत्या. आशियाई खेळ संपल्यानंतर परतलेल्या या बसेसपैकी १५० बसेस आंध्र प्रदेश परिवहन महामंडळाला आणि ५० भारतीय लष्कराला विकल्या. उरलेल्या ५० बसेसच्या सहाय्याने दादर-पुणे बससेवा सुरू करण्यात आली. एसटीने त्यांना निमआराम नाव दिले होते. मात्र आशियाई खेळांसाठी वापरल्या गेल्याने त्यांचे एशियाड हेच नाव अधिक लोकप्रिय झाल्याचे नमूद करून एका शासकीय उपक्रमाने इतक्या उच्च प्रतीच्या बसेस बांधल्याबद्दल तत्कालीन पंतप्रधान इंदिरा गांधी यांनीदेखील या बसेसचे कौतूक केले होते, अशी आठवण एसटीतील अधिकारी सांगतात. परिवर्तन बसेसच्या निमित्ताने २००६ पासून एसटीने साध्या बसेसला ‘टॉमेटो रेड’ रंग देण्यास सुरुवात केली आहे. वातानुकूलित बसेससाठी रंगाचे कोणतेही बंधन नाही. मात्र एसटीच्या सर्व बसेसची रंगसंगती अधिक आकर्षक करण्यासाठी विद्यमान परिवहन मंत्री राधाकृष्ण विखे-पाटील यांनी पुढाकार घेतला आहे. त्यांच्या सूचनेवरून एसटीने जे. जे. कला महाविद्यालयाला पत्र लिहून आपल्या ताफ्यातील सर्व प्रकारच्या बसेसच्या रंगसंगतीबाबत संकल्पचित्रे मागविली आहेत. त्यामुळे एशियाड बसेसवर २८ वर्षांनंतर एसटीने चढविलेला ‘जांभळा साज’ कदाचित अल्पजिवी ठरण्याची शक्यता आहे.
नवी रंगसंगती अवैध ?
एसटीने पांढऱ्या-जांभळ्या रंगसंगतीतील सुमारे १०० बसेस रस्त्यावर आणल्या आहेत. मात्र महाराष्ट्र मोटर वाहन नियमाच्या कलम १३७ (४) नुसार या रंगसंगतीला राज्य परिवहन प्राधिकरणाची (एसटीए) मान्यता घेणे आवश्यक आहे. ती मिळविण्यासाठी एसटीकडून ‘एसटीए’कडे अर्ज केला असला तरी, त्याला अद्याप मंजुरी मिळालेली नाही. त्यामुळे एशियाडची रंगसंगती अवैध असल्याचे म्हटल्यास वावगे ठरणार नाही.